مشكلة رسايل الاكواد عند تحويل الخط بنفس الرقم بين الشركات (من اورنج لوى مثلا)

المشكلة دى للاسف مش هتعرفها غير لما تحول خطك، هتلاقى التحويل مجانى و هيفضل رقمك زى ما هو يعنى مش هتحتاج تقول للناس انك غيرت رقمك فهتحول و انت مطمن

لو نسيت كلمة سر فيسبوك مثلا و جيت تخلى الفيس يبعتلك رسالة على الموبايل عشان تغيرها مش هتلاقى رسالة بتجيلك و لو خدت بالك من الموضوع و كلمت الشركة هيقولوك دى مشكلة عامة فى رسايل الاكواد فى كل الخطوط اللى بتتحول و هنحلها فى اسرع وقت زى ما بيقولولى بقالهم شهرين او شهرين و نص و المشكلة شكلها موجودة من زمن لأنها كان عارفينها و ردودهم جاهزة من اول ما كلمتهم

المشكلة الأكبر لو بتتعامل بفلوس اونلاين سواء محفظة إلكترونية أو فيزا و بيوصلك رسايل باكواد على الموبايل عشان يتم الخصم من الفيزا بتاعتك، ساعتها حرفيا مش هتعرف تستخدم الفيزا لأن الرسايل مش بتوصل